OMG-mi misissuiniarlutik angalasut

OMG-mik suliniummut pisortaatinneqartup (PI), Josh Wiilisip “paasisassarsiortissavaatit” imaanilu misissuinermi uuttortaatit ilaannik nakkartitsilluni.

[Josh Willis]	[00:00:08]	Kalaallit Nunaanni maani naammattunnguamik sermeqarpoq imarlu 7,4 meterinik qaffatissinnaallugu, nunarsuaq tamaat kaajallallugu.
	[00:00:14]	Sermeq tupinnaannartumik angissuseqarpoq, aakkiartorlunilu, imaanillu qaffakkiartortitsilluni.
	[00:00:21]	Oceans Melting Greenland-imit, iliuusererusutagut tassaapput imarpissuarnik uuttortaanerit, sermimik uuttortaanerit, Taakkulu allannngoriartornerinik malinnaaffiginninniarneq ukiumiit ukiumut, aamma apeqqut una akissutissarsiniarlugu, imarpissuit sermimik qanoq annertutigisumik aakkiartortitsippat Silaannaap aakkiartortitsinerata misissuiffigineqarnera illuatungilerniarlugulusooq, tamannami Inunnit amerlanerpaanit maannamut ilisimatusarfigineqarsimammat.
	[00:00:46]	Nunarsuaq ajasoornaannartumik alutornarluinnartuuvoq.
	[00:00:49]	Qaqqarsuarsuit qoorortarasaartut sineriak tamakkerlugu takussaapput.
	[00:00:54]	Igalaakkut silammut qiviaraanni, misinnarluarpoq sermit iigartartut qanoq annertutiginerat, imerujussarmillu imarmut kuutsitsinerat Kalaallit Nunaata ilamernganillusooq Imaanut aatsitsisartut.
	[00:01:04]	Imarpissuarmullu anngukkaangamik, aserortertarput aamma Sermersuaq ilanngarujussuartarpoq, sermipiluunersuillu angisuut nakkaasarlutik.
	[00:01:10]	Tupinnaannartumik pikkunarpoq.
	[00:01:14]	Kulusuk Kalaallit Nunaani Tunup Kujasinnerusortaani nunaqarfeerannguuvoq, maanngaaniit misissuinermi atugassanik uuttortaatinik avammut aallakaatsitsivugut ullut kingulliit sisamat tallimalluunniit.
	[00:01:23]	Imarpinnik uuttortaanermi OMG-imut ukioq tupinnarluinnareerpoq.
	[00:01:30]	Imaittut sullullits avammut aallartittarpagut.
	[00:01:32]	Sullulik ammarukku, ataani takusinnaavat imaq sarsuasoq, imaluunniit ilaatigut ilulissat, nuissalluunniit sarsussinnaasarput imaluunniit timmisartumik qulaatatta arlaat.
[Radiomi angut]	[00:01:40]	Arfinillit, Tallimat.
[Josh Willis]	[00:01:42]	Arriilliimivugut, ukualu avammut igeriullugit cylinderit angisuut qasertut timmisartup naqqanit silammut igeriullugit, taakkulu imaanut nakkartarput, tukkaangamillu Immap sermilluunnit kissassusianik/nillissusianik, tarajoqassutsimilluunniit uuttortaasarput timmisartumullu nassiullugit.
	[00:01:54]	Kalaallit Nunaat tamaat kaajallallugu, tamaviaarluta sermeq imarlu Misissorniarsaraagut, misissugassanillu uuttortaatinik 250-inik nakkaatitsivugut.
	[00:02:01]	Sineriak tamaat kaajallanniarparput, upernarneranilu sermit iigartartut radarimik assiliortorlugit, aamma tamaat kaajallallugu.
	[00:02:10]	Piviusumik anguniarparput Kalaallit Nunaata tamakkivinnissaa imaani sikut sunniivigeqatigiinnerisa nalunaarsornissaat sapinngisamik angalanermi ataatsimi.
	[00:02:20]	OMG-mi piviusumik soqutigisagut tassaapput sinaani ilanngartorfii.
	[00:02:24]	Immap sermimik neriuinerata Sermersuup ilanngarternerujussuarneranit.
	[00:02:30]	Sermimillu annerusumik imaanut nakkaatitsineq, immap qaffanneranut pissutaavoq.
	[00:02:35]	Taamaammat, OMG maaniippoq piviusumik paasiniarlugu Immap sermersuarmik neriuinera qanoq annertutigiva?
	[00:02:39]	Pingaartumik sinaatigut qanoq ilanngartortigaa? Iigartarfianik taaneqartartoq, qaavata aakkiartorneranut naleqqiukkaanni qanoq tamanna pingaaruteqartigaa?
	[00:02:47]	Pingaarnerusorli unaavoq, imaq sermersuarmik aakkiartortitsinermi arlaatigut sukkanerulersitsiva?
	[00:02:52]	Uagut taamaassorivarput, kisianni Sermersuaq kaajallallugu Pissutsit taamaannerpat? Sunniutaalu qanoq annertutigiva?
	[00:02:57]	Ilulissat minnerpaartaalluunniit Angisoorujussuartut misinnarsinnaasarput Sanileriffaarikkaannimi.
	[00:03:01]	Iluliamik kangerlummi Naqqinnissimasumik takuvugut.
	[00:03:04]	Eqqaamajuk, iluliap 90 %-ia Immap iluaniimmat.
	[00:03:08]	Tassa, iluliaq immap qaavani 10 meterit imaluunniit 30 fodit portussuseqapajaarpat, taava 91,4 meteria imaluunniit 300 fodia immap iluaniissaaq.
	[00:03:15]	Eqqaasippaatigut, uuttortarniagassarpassuatta immap iluani toqqorsimasuunerannik, sikup isigisatta ataani toqqorsimammata, ammullu taakkununnga marlunnut isigineq OMG-p suliariniagaani qitiusumik pingaarnerpaavoq.
	[00:03:29]	Kalaallit Nunaannit sermeq 1 tonsi iigaraangat, imaq annikitsuarannguamik qaffariartarpoq, ukiumullu Kalaallit Nunaannit milliard tonsikkuutaat iigartarlutik.
	[00:03:40]	Kalaallit ilaannik, inuunertik tamaat maaniissimasunik naapitsineq soqutiginarpoq.
	[00:03:45]	Sermit iigartartut, eqqorluartumik oqarluni, siornatungiminni nungukkiartortut tamarmik isigivaat.
	[00:03:50]	Qaammataasanik, timmisartunik, ilisimatuunillu oqaluttuunneqassallutik, Kalaallit Nunaata aakkiartorneranik Oqaluttuunneqarnissartik pisariaqartiinngilaat.
	[00:03:54]	Silammut qiviarunik takusinnaavaat sermip iigartartup killinga uaniinnikuusimagaluartoq maannakkullu pavungarujussuaq tiffarsimammat.
	[00:04:00]	Immap qaffakkiartornera nunarsuaq tamakkerlugu ilumut ajornartorsiutaavoq.
	[00:04:02]	Tamanna soqutiginngitsuusaarsinnaanngilarput.
	[00:04:04]	Nunarsuup pingajorarterutaata aappaa imarpinnik qallersimavoq, imarsuarlu tamakkerluni ataqatigiippoq, tassa imarput ataqatigiilluni tamatta imaraarput.
	[00:04:09]	Imaappoq, sermeq maani annaaneqarpat, imaq angerlarsimaffinni Los Angelisimi aamma qaffassaaq. Aasiap kujataata-kangisissuani Australiamilu Imaq aamma qaffassaaq nunarsuaq tamakkerlugu.
	[00:04:19]	Maaniilluni sermerlu nungukkiartortoq isigalugu ilumoortumillu imaanut kuuttoq isigalugu, itisuumik qamuuna sunnertinnarpoq, isumaqarpungalu uanga neriuutigisara Tassa inuit paasinninnissaannut OMG suliniutikkut ikiuussimassasugut tamattami nunarsuatsinni ataasiinnarmi inuuvugut, Nunarsuarlu allanngoriartorpoq, paasisariaqarparpullu qanoq allanngoriartornersoq.